話說都收左一段時間,我諗我係最遲出個位 :P
最近想搞好塊面又日日做運動都比較少化妝,所以收到一直未開封
睇左唔少文都話唔錯喎!好!一於就開黎會一會你先!
個人極少用氣墊粉底,呢盒係我人生第二盒
氣墊粉底比我感覺就係:
1. 專比皮膚好沒什麼瑕疵o既人用
2. 好透薄
3. 唔落碎粉就好有韓妞光澤感
4. 會比膚色偏白少少
一於睇下呢盒又係唔係啦!
來自韓國的 i-MIIX 紫醉迷人美白氣墊粉底 SPF50+ PA+++ (HK$260)
隨盒有附送多一個補充裝,除番開都只係 HK$130一個,都唔算貴喎!
官方介紹擁有 5 合 1 功效,包括:美白 / 保濕 / 防曬 / 遮瑕 / 細緻膚質
大部分都係不明白的韓文
睇到有 GMP 認証同埋一個不知名認証
我收到的是 C21 色號
上 Colourmix 網頁睇就只得一隻色,如果唔岩色就 GG 了
打開之後同一般氣墊粉底差唔多
漏左唔記得講,呢個粉底另一重點是蘊含 10 種純天然植物提取,包括蘆薈、甘草、石榴、綠葡萄藻、桑白皮、米糠、薰衣草、陳橘皮、綠茶、橙,能有效深層瓦解黑色素,淡化色斑及改善肌膚亮度,即係成日聽到o既化妝同時護膚,至於你信不信,我反正是信了!至少冇咁傷皮膚先啦!
使用方法:以粉撲按壓海綿取出適量粉霜,沿肌膚紋理均勻塗抹於面部,輕拍使其貼合肌膚。若要加強遮瑕效果,可取少量重覆印上所需部位
試上手睇下先!
用左個邊紋理比較明顯,好貼好薄,在閃燈下好有光澤感,又冇泛白
好喇!又係出黎趕下客的時候
驚喜一:岩我膚色,不過都係要強調本人喜歡深半度的
驚喜二:透薄得黎遮瑕都唔錯喎!衰鬼!睇下我個千年黑眼圈就知
黎個連唇毛都睇到的近拍先,一層都可以遮到我 d 痘印 8 成
全面使用!偽素顏完成!普通出街要求唔高其實咁就可以行得
如果瑕疵比較淺都可以用重覆印去加強遮瑕效果,深就唔好懶另外用遮瑕吧啦!
因為呢日係要外拍,我就執好少少,捲番個頭即刻唔同晒 (迷之聲:其實有咩....)
前後都用左好多次,底妝都幾持久,冇浮粉冇變暗冇狂出油,真係幾好用喎!
可以推薦比大家,不過首先你要有個女朋友岩色囉XD
產品由 ♥ Colourmix Facebook 團隊 ♥ 提供
Colourmix Facebook: https://www.facebook.com/colourmix.cosmetics
就這樣
沒有留言:
張貼留言